- 411 -

1405. Febr. 7. Liegnitz.

Herzog Ruprecht bekennt für sich und für seinen Bruder, Herzog Wenceslaus, dass Guntherus de Prato, Rector der Peters-Kirche zu Liegnitz und Canonicus der Kirche des heiligen Grabes daselbst zur Errichtung einer neuen Präpositur in letzterer Kirche 10 Mark jährl. Zinsen auf allen seinen Gütern in Gradis und Niclasdorf geschenkt, dass er, der Herzog, zu gleichem Zweck 10 Mark jährl. Zins von seiner zu Liegnitz vor dem glogauer Thore gelegenen Walkmühle nach dem Tode des jetzigen Besitzers, des liegnitzer Canonicus Franciscus v. Schellendorf angewiesen habe, rückkäuflich für 100 Mark; das Patronatsrecht bei dieser Präpositur, welche für die erste an dieser Kirche gelten soll, behält er sich und seinen Nachkommen vor.

In Cristi nomine amen. Nos Rupertus dei gracia Slesie dux ac dominus Legnicensis, Goltbergensis, ad omnium et singulorum, quorum interest uel intererit, claram et perpetuam deducimus nocionem, quod in nostra presencia constitutus fidelis noster, dilectus dominus Guntherus de Prato, rector ecclesie parrochialis sancti Petri in Legnicz necnon et canonicus ecclesie sancti sepulcri dominici Legnicensis pro sua et progenitorum suorum salute et remedio et in manus nostras sponte ac libere recignauit decem marcas annui census in bonis suis omnibus ac singulis, que optinent in Gradis et in Niclasdorff, nostri Goltbergensis districtus, ad reemendum pro centum marcis grossorum Pragensium numeri Polonicalis et vsualis, pro corpore noue prepositure in dicta ecclesia sancti sepulcri dominici Legnicensis engende et pro dote dicte prepositure tradidit liberaliter et donauit. Et nos Rupertus, qui supradictam donacionem et assignacionem nostro ac illustris principis ac domini Wenczeslai, fratris nostri carissimi, in Legnicz nobiscum coheredis nominibus ratificamus, approbamus et pro corpore dicte prepositure conferimus et confirmamus, volentes nichilominus dictam preposituram gloriosius et vberius donis maioribus extollere, de nostra legali munificencia pro eiusdem prepositure corpore et eius noua ereccione, decem marcas annui census in et super molendino nostro, wlgariter Walkamohle nuncupato, ante portam siue valuam Glogouiensem civitatis seu opidi Legnicensis situatum, dumtaxat post mortem domini Ffrancisci de Schellindorff, canonici Llegnicensis, qui ad praesens dictum possidet molendinum, similiter donamus, assignamus et appropriamus, sie tamen, quod nobis et successoribus nostris ius patronatus et ad dictam preposituram presentandi et ius reemendi dictas decem marcas census pro centum marcis vsualibus predictis conseruamus, expresse consenciendo, quod dicti census valeant et debeant per censuram ecclesiasticam repeti et extorqueri et omnimoda ecclesiastica libertate gaudere. Nec quoquomodo possint seu ualeant ad vsus prophanos reduci seu reuocari sed perpetue pro corpore dicte prepositure debeant permanere. Debet eciam dicta prepositura prima et principalis dignitas in ecclesia iam dicta reputari, ac ipse prepositus gaudere debet omni prelacione, preeminencia, dignitate et precellencia tam in voce, cape quam in stallo, processione et choro, quibus gaudet et gaudere debet prepositus Wratislauiensis, ad cuius conformitatem prepositus ad dictam preposituram instituendus debet se, quantum poterit, conformare. Et nos, Petrus Adolphi, decanus, Theophilus de Opuln, custos, Theodoricus de Rechinberg, Ffranciscus Schellindorff, Johannes Parchewicz, Theodoricus Predil, Rehinoldus Catzbach, Guntherus de Prato, Johannes Prenczer, Johannes Kempnicz et Johannes Lybeczeit, canonici, ad sonum campane, ut moris est, capitualiter congregati, prehabitis tractatibus et maturo consilio in dictas noue prepositure fundacionem et erectionem ac ipsius, prout premittitur, generosam ac liberalem dotacionem consensimus et consentimus et, in quantum in nobis est, laudamus et approbamus, in huius euidens testimonium sigillum nostri capituli presentibus appendendo. Quapropter nos Rupertus qui supra, reuerendum in Christo patrem ac dominum, dominum Wenczeslaum, episcopum Wratislauiensem, dominum nostrum carissimum et paternitatem vestram humiliter exoramus, quatenus dictam preposituram de nouo erigendam, ac assignacionem, appropriacionem, inuisceracionem pro ipsius corpore, approbare, laudare, et confirmare dignemini, generose auctoritatem vestram et decretum interponendo, supplendo nichilominus auctoritate vestra ordinaria, si qua omissa forent, quolibet oportuna. Ad euidenciam pleniorem presentes nostri sigilli maioris signeto nostroque a tergo subinpressi iussimus roborari. Actum et datum Legnicz, anno domini millesimo quadringentesimo quinto, septimo die mensis Februarij, in stuba domini decani Legnicensis, presentibus ibidem nostris deuotis fidelibus, capellanis, decano, custode et aliis canonicis superius expressatis.

Liegn. Arch. Act. No. 242. IV. p. 1.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866